ಶುಕ್ರವಾರ ಹಾಸನದಲ್ಲಿ ಹಸನಾಂಬನ ದರ್ಶನ ಪಡೆಯಲು ಸರತಿ ಸಾಲಿನಲ್ಲಿ ನಿಂತಿದ್ದ ಸುಮಾರು 20 ಭಕ್ತರು ಲೋಹದ ಬ್ಯಾರಿಕೇಡ್‌ಗೆ ತಗುಲಿ ವಿದ್ಯುತ್ ಆಘಾತಕ್ಕೊಳಗಾದರು. ಇದರಿಂದ ಜನರು ಹರಸಾಹಸ ಪಡಲು ಯತ್ನಿಸಿದ್ದರಿಂದ ಗೊಂದಲ ಉಂಟಾಗಿತ್ತು.
ಶುಕ್ರವಾರ ಅಂದರೆ ಇಂದು ಮಧ್ಯಾಹ್ನ 1 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಸರತಿ ಸಾಲಿನಲ್ಲಿ ನಿಂತಿದ್ದ ಕೆಲವರು ಲೋಹದ ಬ್ಯಾರಿಕೇಡ್ ಸ್ಪರ್ಶಿಸಿದಾಗ ವಿದ್ಯುತ್ ಶಾಕ್ ತಗುಲಿದೆ ಎನ್ನಲಾಗಿದೆ. ಭಯದಿಂದ ಹಲವಾರು ಭಕ್ತರು ಸರತಿ ಸಾಲಿನಿಂದ ಹೊರಬರಲು ಯತ್ನಿಸಿದ್ದು, ಗೊಂದಲ ಹಾಗೂ ನೂಕುನುಗ್ಗಲು ಉಂಟಾಯಿತು. ಈ ಗಲಭೆಯಲ್ಲಿ ಕೆಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.
ಇದನ್ನೂ ಸಹ ಓದಿ: ಚಿಂದಿ ಆಯುವವರ ಅದೃಷ್ಟ ಬದಲಿಸಿದ ಕಸದ ರಾಶಿ..! ಕಣ್ಣೆದುರೆ ಪ್ರತ್ಯಕ್ಷವಾಯ್ತು ₹ 25 ಕೋಟಿ
ಗಾಯಾಳುಗಳನ್ನು ತಕ್ಷಣ ಆಂಬ್ಯುಲೆನ್ಸ್‌ನಲ್ಲಿ ಜಿಲ್ಲಾಸ್ಪತ್ರೆಗೆ ರವಾನಿಸಲಾಯಿತು. ಒಬ್ಬರು ಗಂಭೀರವಾಗಿದ್ದು, ಉಳಿದವರೆಲ್ಲರೂ ಅಪಾಯದಿಂದ ಪಾರಾಗಿದ್ದಾರೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ. ಜಿಲ್ಲಾಡಳಿತದ ನಿರ್ಲಕ್ಷ್ಯವೇ ಘಟನೆಗೆ ಕಾರಣ ಎಂದು ಭಕ್ತರು ಆರೋಪಿಸಿದ್ದಾರೆ. ವಿದ್ಯುತ್ ತಂತಿ ತಗುಲಿ ಬ್ಯಾರಿಕೇಡ್‌ಗೆ ತಾಗಿ ಜನರು ವಿದ್ಯುತ್ ಶಾಕ್‌ಗೆ ಒಳಗಾಗಿದ್ದಾರೆ ಎನ್ನಲಾಗಿದೆ.
ನಂತರ ಸಮಸ್ಯೆ ನಿವಾರಣೆಯಾಗಿ ಕೆಲ ಸಮಯದ ನಂತರ ದರ್ಶನ ಎಂದಿನಂತೆ ನಡೆಯಿತು. ವಾರ್ಷಿಕ ಹಾಸನಾಂಬ ಜಾತ್ರಾ ಮಹೋತ್ಸವ ನವೆಂಬರ್ 2 ರಿಂದ 14 ರವರೆಗೆ ನಡೆಯಲಿದೆ. ರಾಜ್ಯದ ವಿವಿಧೆಡೆಯಿಂದ ನಿತ್ಯ ಸಾವಿರಾರು ಭಕ್ತರು ದೇವರ ದರ್ಶನಕ್ಕೆ ಆಗಮಿಸುತ್ತಾರೆ.
ಇತರೆ ವಿಷಯಗಳು
ಗೃಹಲಕ್ಷ್ಮೀಯರಿಗೆ ದೀಪಾವಳಿ ಗುಡ್‌ ನ್ಯೂಸ್..! ಫಲಾನುಭವಿಗಳಿಗೆ ಹಣ ಪಾವತಿ ವೇಳಾಪಟ್ಟಿಯನ್ನು ಬಿಡುಗಡೆ
ಸತತ 6 ದಿನಗಳ ಕಾಲ ಬ್ಯಾಂಕ್‌ ರಜೆ ಘೋಷಣೆ: ಈ ದಿನಾಂಕದೊಳಗೆ ನಿಮ್ಮ ಕೆಲಸ ಮುಗಿಸಲು ಅವಕಾಶ!